Las nòvas d'APRENE - n°1 - novembre de 2015

 

 

 

Nòvaletra de l'establiment d'ensenhament superior APRENE – n° 1 – novembre de 2015

 


 

 

 

 

 

 

Batejada de la còla novèla d'APRENE1

Pels 20 ans d'APRENE, una batejada extraordinària !

Es a la comuna de PAU, lo diluns 14 de decembre a 20 oras, que los 11 calandrins e calandrinas prendràn mairina(s) de tria ! I sètz totes convidats.

 


 

 

 

 

 

Publicacions

L'an passat, l'establiment APRENE demandèt als PEE (Professors de las Escòlas Estagiaris) de trabalhar sus un projècte a mira cooperativa.

Cadun causiguèt un subjècte qui li teniá a còr e qu'aviá enveja de partejar.

Aquel trabalh d'una annada lo presentèron dabans un public, lo 11 de junh passat al Cirdòc.

En seguir lo ligam http://maleta.occitanica.eu/talhier poiretz consultar lo projècte de Pèire Raymond que prepausa un trabalh de poësia a partir de la revista la Cabreta. D'autres projèctes i seràn lèu publicats....

 


 

 

 

 

 

Las nòtas

Traparetz sul sit d'APRENE un tèxt en francés que fa lo ponch a prepaus de las nòtas a l'escòla.

Pòt servir d'argumentari per un rescambi o per de discutidas amb de collègas e de parents.

Seguissètz lo ligam

 


 

 

 

 

 

Formacion continua

Los 7, 8 e 10 de decembre, se debanarà la formacion «del caval a la classa cooperativa» prepausada per Eric Lhéritier. Se passarà dins un centre equèstre de Nimes. Mantuna activitat serà prepausada : monta, trabalh a pè amb lo caval e rescontre amb una equiterapeuta.

 

Per la segonda annada, tornaretz trapar dins lo calendièr de la formacion continua una accion que se ditz «Culturas a Calandreta». Es capdelada per Isabèu Vergnes.

Los participants se rescontraràn a Arancou (64) del 13 al 15 de genièr.

 

Per aquelas 2 accions avèm ja registradas d'inscripcions mas demòran encara qualques plaças. Esitetz pas de vos macar en mandar un messatge a cfpo@aprene.org abans lo 30 de novembre.

 

Avis sit en òbra

L'establiment APRENE aurà lèu un sit novèl a vos prepausar.

Vos pregam de nos desencusar par qualques messatges d'error en anglés a la plaça de fòtos mancantas.

Mercés de vòstra compreneson.

A lèu doncas !