Las nòvas d'APRENE - n°2 - decembre de 2015

Nòvaletra de l'establiment d'ensenhament superior APRENE – n°2 – decembre de 2015


 

Batejada de la còla novèla d'APRENE1

La Batejada se passèt diluns 14 de decembre a la comuna de Pau.

Los calandrins causiguèron doas marinas : Anna-Maria Roth e Jaumeta Arribaud.

Vos convidam a legir lo darrièr numèro de la Moscairòla dedicat a la Batejada e als tres jorns passats en Bearn. Moscairòla n°4

 


 

Lo doble camin

La o lo que dintra en formacion a l'establiment d'ensenhament superior APRENE per venir regent(a) dins las escòlas Calandreta entamena e l'encòp un camin linguistic e pedagogic.

Traparetz sul sit internet un tèxt que parla d'aquel doble camin. Legir l'article.

 


 

B2i

Los Paissèls Ajudaires faguèron la revirada dels formularis de posicionament pel B2i. Los traparetz aicí.

 


 

Formacion continua

Ongan l'estagi Familhas de Lengas se debanarà a Malhòrca del 21 al 25 de març de 2016.

Trabalharàn a l'entorn dels jòcs de lenga (viralengas, onomatopèias, formuletas…) e de la lenga e de la cultura catalanas.

Se sètz interessats per seguir aquela formacion, vos cal inscriure abans la dintrada del 4 de genièr a cfpo@aprene.org e lo.xav.f@gmail.com

 


 

Acabam aquela letra d'informacion en vos desirar, al nom de la còla tota d'Aprene,

de bonas fèstas de cap d'an !

Avis sit en òbra

L'establiment APRENE aurà lèu un sit novèl a vos prepausar.

Vos pregam de nos desencusar par qualques messatges d'error en anglés a la plaça de fòtos mancantas.

Mercés de vòstra compreneson.

A lèu doncas !