Las nòvas d'APRENE - n°4 - març/abril de 2016

Nòvaletra de l'establiment d'ensenhament superior APRENE – n°4 – març/abril de 2016


Cap a far de regent(a) a Calandreta ? Dintrar en formacion a l'establiment APRENE

Las inscripcions a la JURADA 2016 son dubèrtas dempuèi lo 7 de març e fins al 29 de mai.

En seguir lo ligam poiretz accedir a la procedura per se marcar, a mai las informacions per s'aprestar e lo debanament de las espròvas.


«Soi a Calandreta, sèm movement»

Del 4 al 7 de mai se debanarà lo 29en congrès del movement Calandreta a Quilhan dins Aude.

Talhièrs*, escambis, conferéncias,... ritmaràn aquel moment fòrt del movement qu'aurà per tèma : Associats per far movement.

Per mai d'entresenhas podètz anar pescar lo programa sul sit de la Confederacion.

*5 talhièrs seràn prepausats : Calandrons, ciutadans de deman – Primari / segondari : la continuitat – Dins lo projècte Calandreta, la plaça de cadun e cadun a una plaça – S'organizar per grandir. Calandreta, arquitècta de son espandiment – Sens movement, pas de Calandretas.


6èn Collòqui de l'ISLRF

Dempuèi 2003, l'I.S.L.R.F. organiza una seria de collòquis consacrats a las cèrcas actualas a prepaus de l'immersion linguistica, de las practicas pedagogicas e de l'interculturalitat.

Ongan es La Bressola que prepausèt, per sos 40 ans, un collòqui intitulat

La immersió supera la quarantena : Mètodes, pràctiques i raons del bilingüisme per immersió.

Lo sector cèrca d'Aprene i foguèt a l'onor amb plan de comunicacions de la part de membres del conselh scientific e de regents.

Per ne saupre mai cap al contengut e visionar lo reportatge fòtos, es aici !

Los actes seràn lèu publicats sul sit de l'ISLRF.

Podètz ja notar que lo congrès venent se debanarà en Bretanha al mes de març de 2018.


Formacion continua

L'establiment APRENE e lo CFPO son a bastir lo programa de formacion continua dels regents de Calandreta per l'annada escola 2016-2017.

Aquel programa es lo fruch dels projèctes prepausats pels regents, los paissèls-ajudaires e las federacions regionalas.

Serà validat per l'Amassada Generala del CFPO e publicat al mes de julh.

Per ne saupre mai sus la formacion continua podètz consultar lo sit del CFPO.


Dobertura del sit internet de l'ISLRF

Un sit novèl per la pedagogia de l'immersion lingüistica precòça : islrf.org

L’Institut Superior de las Lengas de la Republica Francesa foguèt creat en 1996 a Besièrs par las federacions d'escòlas d’ensenhament en lengas regionalas per metre en comun de mejans e prepausar de percorses parallèls de formacion iniciala dels regents en basc, catalan, breton, occitan, alsacian e lenga de Mosèla.

Las formacions son decentralizadas dins los sites regionals : CFP Seaska, CFP-Catalan, KELENN, APRENE,  CFP USBELDUNG.

Avis sit en òbra

L'establiment APRENE aurà lèu un sit novèl a vos prepausar.

Vos pregam de nos desencusar par qualques messatges d'error en anglés a la plaça de fòtos mancantas.

Mercés de vòstra compreneson.

A lèu doncas !