Conselh scientifc

Conselh Scientific d'APRENE

 

Lo 2 de julhet de 2011, a Montpelhièr, APRENE acampèt son Conselh Scientific (çai-sus fotografia Patrici Baccou).

L'Establiment d'Ensenhament Superior APRENE òbra dempuèi 16 ans. Pr'amor de la sieuna activitat, 137 regents son estats titularizats per far la classa en immersion en occitan.

Aquò vòl dire que a cada annada escolara que passa, l'estat remunèra quicòm coma 137000 oras d'occitan corrèctament pagadas.

Fins a 2010, lo ròtle de l'establiment Aprene èra mai que mai de preparar los candidats als concorses.

Gràcias a la cultura tant associativa coma pedagogica e lingüistica, pacientament bastida, espelida dempuèi mai de trenta ans dins las escòlas e las classas Calandreta, permetèt de metre en plaça una formacion exigenta e qu'a provat son eficacitat.

Dempuèi la rintrada d'agost de 2010, las condicions an cambiat : l'encastre novèl de la masterizacion convida nòstre establiment a créisser del costat de l'exigéncia universitària, e mai nos daisse pro de libertat per laurar nòstras especificitats. Pr'amor d'aquò refortissèm nòstras recèrcas, en particular cap a l'immersion lingüistica, la pedagogia institucionala, lo program familhas de lengas, l'Istòria e las matematicas.

Per s'escaire amb la masterizacion, l'Institut Superior de las Lengas de la Republica Francesa (ISLRF), que Aprene n'es sòci, a pachat amb l'Universitat de Perpinha Via-Domicia (UPVD). Per melhorar la qualitat de l'oferta de formacion als futurs regents e refortir lo partenariat amb l'Universitat de Perpinhan, l'establiment Aprene a reformat lo sieu conselh scientific ont d'associatius, de regents e d'universitaris s'assòcian per un trabalh de produccion ric e dobèrt. Es una escasença de las bèlas per definir, apregondir, e balhar de carn a un vertadièr sector recèrca a Aprene.

Nascuts dempuèi qualques annadas ja, aqueles domenis de recèrcas prioritàrias resultan de l'experiéncia aquesida.
Lo master que bailejam amb l'UPVD nos balha ara la possibilitat de servar la man suls ensenhaments dins aqueles domenis.
Anam poder aital far náisser, bailejar e acompanhar de recèrcas aplicadas e de publicacions scientificas apiejadas sus nòstra realitat demercé lo formidable laboratòri per la pedagogia e per l'immersion que son las nòstras classas Calandreta.
Lo Conselh Scientific d'APRENE ne serà lo crusòl, tot d'estrambòrd e de rigor !

Patrice BACCOU
Director de l'Establiment APRENE
Institutor
Sòci del grop pedagogic ChamPI

Pierre BARRAL
Responsable de la formacion TICE
Mèstre de conferéncias onorari de
l'Universitat de Lemòtges
Sòci del CA d'APRENE

 
Myriam BRAS
Co-responsabla de las formacions
a la lenga occitana
Professor en sciéncias del lengatge
a l'Universitat de Tolosa II Lo Miralh
Sòcia del CA d'APRENE

 
Xavier FERRÉ
Responsable de la formacion
Familhas de Lengas
Professor de las escòlas
Paissèl-Ajudaire

 
Denis FIZE
Cercaire en sciéncias cognitivas
al CNRS de Tolosa
Sòci del CA d'APRENE

 
Philippe JOULIÉ

Responsable de la formacion
Matematicas
Professor de las escòlas
Paissèl-Ajudaire
Sòci del Burèu associatiu d'APRENE

 

Pierre-Johan LAFFITTE
Responsable pedagogic de
las formacions Paissèls-Ajudaires
Mèstre de conferéncias en sciéncias
del lengatge a l'IUFM de l'Universitat
Jules Verne de Picardia
Semiotician

 
Christophe LEBÈGUE
Cargat del seguit de las formacions
Sòci del Burèu associatiu d'APRENE

 
Corinne LHÉRITIER
Responsabla de la formacion TFPI
Professor de las escòlas
Paissèl-Ajudaire

 
Cecilia MORANDAT
Sòcia del Burèu associatiu d'APRENE
 
Patrice POUJADE
Professor d'Istòria modèrna a
l'Universitat de Perpinhan

 
Maurice ROMIEU
Co-responsable de las formacions
a la lenga occitana
Mèstre de conferéncias onorari
en occitan a l'Universitat de Pau
e del Pais de l'Ador

 
 
Pascal THOMAS
Professor de Matematicas
a l'Universitat de Tolosa III

 
Florian VERNET
Co-responsable de las formacions
a la lenga occitana
Professor emerite en occitan
de l'Universitat de Montpelhièr III

 
 

 

Avis sit en òbra

L'establiment APRENE aurà lèu un sit novèl a vos prepausar.

Vos pregam de nos desencusar par qualques messatges d'error en anglés a la plaça de fòtos mancantas.

Mercés de vòstra compreneson.

A lèu doncas !